9 Li vôye di Lès Grands-Aubes L'aube Douvint qu'on lome l'eûcia li grète-cu biaté ou ç’ qu’il ont d’à paurt èt pwîs, di fé spiter l’ djôye avou : dès tchansons, dès flûtes à l’agnon, dès mots catchîs, dès mots ègayolés, dès mots à discôper èt à plaquer, dès mots à scrîre, à stitchî dins dès boles, dès marionètes à discôper èt à fé causer… Nos-avans faît tot ça èt co d’ pus, ca, po l’ocâsion di ci stâje-ci, dj’a scrît, à môde di djeus, di powézîyes, d’advinias… dès portraîts d’aubes (li ci do tchin.ne, do frin.ne, do fayèmî, d’ l’eûcia qu’on lome co grète-cu, do gayî, do plope, do neûjî, do mèsplî… ) èt d’ sauvadjès plantes (li ci do pingne-di-sôrcîre, dèl fètchêre, do lêre) èt dj’ènn’a présinté saquant´ à mès trwès-apurdices. Po dîre li vraî, nos-avans bouté sins r’lache, zèls, come mi, èt quand l’ chîje do dîmègne a-st-arivé, nos-èstin.n´ tortos naujis mins binaujes au d’là. Mi, pace qui mès djins sont près´ à d’ner dès lèçons d’ walon dins lès scoles èt zèls, pace qu’il ont trové dès raîsons èt dès maniéres dè l’ bin fé. Mi-idéye asteûre, po l’anéye qui vint, ci sèreut d’ priyî lès djins dès tauveléyes èt dès scoles di walon di v’nu veûy èt choûter « LI DJÂRDIN DÈS GRANDS-AUBES » èt mi, dji sèrè vosse guide ! Joëlle Spierkel, li curieûse agasse creeasbl@outlook.be - 081/ 57 04 61
RkJQdWJsaXNoZXIy Nzk4ODg=